صاحب الحق
عارف لما تبقى صاحب حق...... وبــــتتخلى عنه
عارف لما تبـــــــقى هيــا لأ......اللى بتسمعها منه
المشكلة برضه انك انت صاحب الحق
بس مش فالح غير انك تفضل تقول لأ
مش عايز تتكلم مش عايز تصرخ
مش عايز تتألم مش عايز تــنـفخ
عارف ليه
عشان اكيد خايف لحسن ما يقـــدروش
وييجى اليوم اللى يبقوا فيه ما يساووش
وتبــــــقى شايف من حواليك وشـــوش
كلها قساوة والحنــــــان ما تعرفـــــوش
المشكلة برضه انك انت صاحب الحق
بس مش فالح غير انك تفضل تقول لأ
بيسألوك عن جرحك بيسألوك عن عذابــــــك
بيسألوك عن اللى تعبك بيسألوك عن أحزانك
وانت برضه تقول لأ
عارف ليه
عشان متأكد انهم هيقولوا انت اللى غلطان
وعارف اكتر واكتر انهم هيسيبوك زعلان
وهترجع تانى من عندهم برضه ندمـــــــان
انا كان صــــاحبى هو نفسى ومعاه الكتمان
اديك رجعت تقول لأ...................مع ان انت صاحب الحق
posted by misho @ 4:59 PM
0 Comments:
Post a Comment
<< Home